Илтгэлээ ярьж эхлээд удаагүй байхад сандрахаа болиод ярих үгнүүд маань цаанаасаа л гарч ирээд байсан.
“Jolly Talk” булангийн энэ удаагийн дугаарт сэтгэлдээ галтай, хөгжье, суръя гэсэн дүрэлзсэн хүсэл эрмэлзэлтэй “Jolly Teens” брэнд хөтөлбөрийн сурагч Номингоотой ярилцлаа. Номингоо маань саяхан болж өнгөрсөн JollyTeensSpeechContest илтгэлийн тэмцээнд амжилттай оролцсон билээ. Түүний эрч хүчийг та энэхүү ярианаас мэдрэх болно. Ингээд хамтдаа ярилцлагаа шимтэн уншъя.
🎤Юуны өмнө манай уншигчдад болон үе тэнгийн өөрийгөө танилцуулна уу?
Сайн байна уу. Намайг Номингоо гэдэг. Би 31р сургуулийн 10-р ангид суралцдаг
🎤“Англи Хэлний Академи ” ийг сонгон суралцах болсон түүхээс нь хоёулаа яриагаа эхэлье?
Анх ээжтэйгээ ярилцаж байгаад сургалтанд явахаар болоод ээж намайг өөрөө судлаад хэлээрэй гэж байсан. Тэгээд тэр дор нь хайж үзэхэд хамгийн түрүүнд англи хэлний академи маань гарч ирээд ороод сонирхоод үзэхэд маш их таалагдаад анх элсэж орсон.
🎤Яагаад Англи хэл сурахыг хүсдэг болсон нь сонирхолтой байна?
Дунд ангид орсноосоо хойш сургуулиа төгсөхдөө гадаад руу тэтгэлгээр сурна гэсэн зорилготой болсон. Миний зорилгоо биелүүлэхийн төлөө хийх ёстой хамгийн эхний алхам бол Англи хэлээ гүнзгийрүүлээд сайн судлах гэж бодож анх эхэлсэн. Гэхдээ бас миний сонирхол их нөлөөлсөн гэж бодож байна.
🎤Англи Хэл сурах явцад чамд ямар сэтгэгдэл төрсөн бэ?
Өгүүлбэрийн бүтэц, үг, дуудлага гээд л монгол хэлнээс маш их ялгаатай учраас ер нь их хэцүү санагддаг үе зөндөө. Гэхдээ яг өөрөө сайн хичээгээд, анхаарлаа дээд цэгт нь төвлөрүүлээд сонсоод судлаад сураад үзэхэд үнэхээр сонирхолтой санагдсан😊
🎤Та манай цахим болоод танхимын сургалтад хоёуланд нь сууж үзжээ. Энэ хоёр ангийн хооронд ялгаа байв уу?
Хөл хорио эхлээд цахимаар орно гэж хэлэхэд нь надад яг нэг ийм байх гэсэн төсөөлөл бараг байгаагүй л дээ. Мэдээж танхимаар сурахаас илүү асуудалтай байна гэж бодсон ч ялгаа ердөө байгаагүй. Багш яг л танхимаар ордог шиг бүх хүүхдэд анхаарал хандуулж тулж ажиллаж байгаа.
🎤Манай Академиас жил бүр зохион байгуулагддаг Speech Contest -2021 илтгэлийн тэмцээнд өөрийн тань маш амжилттай оролцсонд баяр хүргэе. Энэхүү тэмцээний тухай сэтгэгдэлдээ хуваалцаач. Ямар сэдвээр илтгэл тавьсан бэ?
Баярлалаа . Миний илтгэлийн сэдэв “The life as a teen addicted to technology” байсан. Өмнө нь олон хүмүүсийн өмнө Англиар илтгэл тавьж үзээгүй болохоор маш их сандарч байсан. Гэхдээ илтгэлээ ярьж эхлээд удаагүй байхад сандрахаа болиод ярих үгнүүд маань цаанаасаа л гарч ирээд байсан. Хамт оролцсон хүүхдүүд бүгд мундаг байсан болохоор өөрийгөө байр эзэлнэ гэж ерөөсөө бодоогүй байсан чинь багш миний нэрийг дуудахад нь эхлээд сонссондоо итгээгүй ээ😅
🎤World Speech Day буюу Дэлхий Илтгэлийн Тэмцээнд оролцсон гэж дуулсан өөрөөсөө ахмад хүмүүстэй өрсөлдөх хэцүү байсан уу?
Хэцүү зүйл байсан, сонирхолтой зүйл ч байсан. Ихэнх нь томчууд байсан болохоор бага зэрэг айдас байсан л даа ярих зүйлээ мартчихвий гээд л гэхдээ яг яриад дууссаны дараах мэдрэмж хамгийн гоё байсан. Мөн тэнд илтгэл тавьсан мундаг мундаг хүмүүсийг сонсоход ч бас сонирхолтой санагдсан.
🎤Та манай Академид англи хэл үзэхээс гадна хувь хүний хөгжил талаасаа шинэ зүйл сурсан уу?
Өмнө нь миний буруу байх вий гэж санаа зовоод зарим бодлоо илэрхийлэхээс санаа зовдог байсан ч Академид орсноос хойш багш ангийнхныхаа ачаар өөртөө илүү итгэлтэй болж үзэл бодлоо чөлөөтэй илэрхийлж чаддаг болсон.
🎤Гадаад хэлийг сайн сурч зорилгоо биелүүлэхийг хүсч байгаа хүүхдүүдэд өөрийн амжилтын нууцаас хуваалцана уу?
Нууц гээд байх юм байхгүй ээ багшийнхаа өгсөн даалгаврыг яг л цаг тухай бүрд нь хийгээд, мэдэхгүй ойлгоогүй зүйл гарвал тэр дор нь асууж лавлаж байх хэрэгтэй байдаг гэж боддог. Тэгээд хамгийн чухал нь өөрөө нэмэлт юмнууд хийж өөрийнхөө сонирхлын дагуу кино англи хэл дээр үзэж дуу сонсож цээжлэх нь ч бас үр дүнтэй санагддаг.
Эцсийн эцэст хүн өөрөө л хичээвэл юу г ч хийж чадна шүү дээ.
🎤Баярлалаа. Миний асуугаагүй орхигдуулсан, та хэлэхийг хүссэн зүйл бий юу?
Хэрвээ Англи хэл сурахаар сургалт хайж байгаа бол The Academy Of English -г зориорой үргэлж халуун дулаан хамт олон угтаж авна шүү гэж хэлмээр байна.
🎤Нээлттэй, амттай яриа өрнүүлсэнд баярлалаа. Таны сурлага, хөдөлмөрт өндөр амжилт хүсье.
Баярлалаа танд ч бас ажлын амжилт хүсье😉
🎤 Та бүхэн Номингоогийн маань илтгэлийг үзэхийг хүсвэл доорх линк дээр дараарай.