“Англи хэлний Академи”ийн JollyTeens хөтөлбөрийн сурагч Үйлсдэлгэрийг бид “Jolly Talk” ярилцлагын энэ удаагийн дугаарт урин ярилцлаа. Бид түүнтэй Англи Хэлний Академийн Өсвөр насныхны дунд жил бүр уламжлал болон зохион байгуулагддаг JollyTeensSpeechContest илтгэлийн тэмцээний тухай сонирхолтой ярилцлага өрнүүлсэн билээ.
🎤Юуны өмнө манай уншигчдад болон үе тэнгийн өөрийгөө танилцуулна уу?
Намайг Мөнхбаярын Үйлсдэлгэр гэдэг одоо 13 настай нийслэлийн 84-р сургуульд суралцдаг.
🎤 “Англи Хэлний Академи ” ийг сонгон суралцах болсон түүхээс нь хоёулаа яриагаа эхэлье?
Манай хамаатны эгч энэ академид багшилдаг байсан. Тэгээд тэр үедээ хүүхдээ нэг жил үнэгүй суралцуулах эрхтэй байснаа надад бэлэглэн эхний жилдээ үнэгүй сурсан.
🎤 Яагаад Англи хэл сурахыг хүсдэг болсон нь сонирхолтой байна?
Намайг бага байхад ээж маань надад дэлхийн түүх танин мэдэхүйн атлас номнууд авж өгдөг байсан. Би номнуудаа уншихдаа өндөр хөгжилтэй орнуудын зураг, хот байгууламж, орчинг хараад ийшээ л том болохоороо явж сурнадаа гэж мөрөөддөг байсан. Харин англи хэлний академид явж эхэлсний дараа англи хэлийг дэлхийн хэл мөн хаана ч очсон харилцаа холбоо үүсгэн ярих боломжтой хэл гэдгийг мэдээд шамдан суралцаж эхэлсэн.
🎤 Ийн суралцах явцад чамд ямар сэтгэгдэл төрсөн бэ?
Эхний жилдээ анх 3-р ангидаа би бараг ихэнх хичээлээ ойлгоогүй бас дандаа 5-р ангиас дээш анхан шатны англи хэлтэй том хүүхдүүдтэй хамт сурч байсан болохоор түвшин хамаагүй бага урьд өмнө нь англиар нэг ч ярьж байгаагүй, нэг ч үг мэдэхгүй ангийнхаа хамгийн муу нь байсан. Харин дараа нь зорилгоо бодоод эрчимтэй хувиараа бас англи хэлээ давтаж үг цээжилж байсан. Тэгээд жилийн дараа л гэхэд бусадтайгаа энэ тэнцүү түвшинд хүрсэн.
Заах арга барилийн хувьд үнэхээр гоё, ойлгомжтой заадаг бас англиар тоглоом тоглож хичээлээ давтах нь илүү зугаатай сурах илүү хүсэл төрүүлсэн.
🎤 Та манай цахим болоод танхимын сургалтад хоёуланд нь сууж үзжээ. Энэ хоёр ангийн хооронд ялгаа байв уу?
Ялгаан хувьд танхим нь илүү санагдсан. Учир нь онлайн хичээлд асууж зөвлөж, ойлгох асуудал байсан ч, дэлгэцийн урд 2–3 цагаар суух нь заримдаа нүд улайх эсвэл толгой өвдөнө мөн бие биенийгээ харж уулзахгүй эвгүй санагдсан. Гэхдээ зөв цагийн хуваарилалт, интернэтийн хэрэглээгээ багасгаад амархан шийдсэн. Цахим хичээлийн явцад цаг бол алт гэдгийг сайн ойлгосон.
🎤 Манай Академиас жил бүр зохион байгуулагддаг Speech Contest -2021 илтгэлийн тэмцээнд өөрийн тань маш амжилттай оролцсонд баяр хүргэе. Энэхүү тэмцээний тухай сэтгэгдэлдээ хуваалцаач. Ямар сэдвээр илтгэл тавьсан бэ?
Би Life as a teen addicted to the technology сэдвээр илтгэл тавьсан. Илтгэлийн өмнө мөн илтгэж байх явцдаа их айсан. Энэ сэдвээр дийлэнх хүүхдүүд илтгэж байхыг хараад ер нь хусагдчихаж гэж бодсон. Харин түрүүлсэн гэдгээ сонсоод бүр итгээгүй. Одоо бодоход магадгүй би арай онцгой хэв маягаар бэлтгэсэн болохоор түрүүлсэн гэж боддог.
🎤 World Speech Day буюу Дэлхий Илтгэлийн Тэмцээнд оролцсон гэж дуулсан өөрөөс ахмад хүмүүстэй өрсөлдөх хэцүү байсан уу?
Хэцүү байсан. Намайг бодвол нийгэмд нөлөөтэй, хийж бүтээсэн юмтай ахмад хүмүүстэй өрсөлдөхөд маш их сандарсан. Нийгмийн жижиг том асуудлыг хөндөж гаргаад өөрийн бодолтой нийлүүлэн зөвөөр олон талыг барьж илтгэж байгаа нь надад маш их таалагдсан. Энэ нь надад илтгэх урлагт маш том туршлага болж өгсөн.
🎤 Та манай Академид англи хэл үзэхээс гадна хувь хүний хөгжил талаасаа шинэ зүйл сурсан уу?
Өөртэй итгэх итгэл мөн бодлоо чөлөөтэй илэрхийлж сурсан. Өмнө нь маш ичимхий, бүрэг хүүхэд байсан. Хүүхдүүдтэй ярьдаггүй, бодсон зүйлээ чөлөөтэй өөрийн талд илэрхийлж чаддаггүй дуугүй хүүхэд байсан. Харин академид сураад чөлөөтэй хөгжилтэй багш сурагчдын ачаар энэ чадвараа нээсэн.
🎤 Гадаад хэлийг сайн сурч зорилгоо биелүүлэхийг хүсч байгаа хүүхдүүдэд өөрийн амжилтын нууцаас хуваалцана уу?
Академи сургалтанд дан ганц найдах биш, өөрөө бие дааж бататгаж сурах нь маш үр дүнтэй гэдгийг ойлгосон. Миний хувьд бол бид бүгдээрээ сошиал мэдиа ашигладаг. Харин тэр цагаа гадаад хүмүүс, постоор дүүргэн ,англи пост хараад л мэдэхгүй үг хараад утасныхаа notes апп дээр үгээ бичээд орчуулаад тэрийгээ хараад цээжилбэл утсаараа үг цээжлэх хамгийн үр дүнтэй үнэгүй арга. Миний хувьд үг цээжлэхдээ энэ аргаар цээжилсэн. Ер нь үгсийн сан сайтай байж байж чөлөөтэй ярьдаг болох учраас үгийн баялгаа сайжруулаарай. Харин дүрмийн хувьд бол академи дээрээ бүрэн сурчих зүйл учраас санаа зовох шаардлагагүй. Эцэст нь англи хэл маш олон үгтэй их баялаг хэл. Тийм учраас чөлөөтэй ярихын тулд их хугацаа шаардаж магадгүй болохоор битгий бууж өгөөрэй.
🎤 Нээлттэй, амттай яриа өрнүүлсэнд баярлалаа. Таны сурлага, хөдөлмөрт өндөр амжилт хүсье.
Баярлалаа та бүхэнд ч бас
🎤 Та бүхэн Үйлсдэлгэрийн маань илтгэлийг үзэхийг хүсвэл доорх линк дээр дараарай.